السبب الأول: الـ Keywords بتجيب بحث مش متوافق مع نشاطك:

لو بتعمل إعلان خاص بنشاط “تصميم مواقع” مثلا، لما بتضيف كلمة زي “تصميم” بس ومخليها Broad Match، الـ Broad Match ده هيخلي إعلانك يظهر في أي بحث عن أي كلمة مشابهة للكلمة دي.

يعني إعلانك ممكن يظهر لحد بيدوّر على “تصميم ملابس” أو “تصميم غرفة” أو “تصميم جرافيك” … إلخ، وانت أصلا شركة تصميم مواقع!

إعلانك هيجيب كليكات وهيصرف الميزانية بس على ناس مش محتاجين اللي عندك.

الحل: افتح الـ Search Terms Report، وشوف الكلمات الفعلية اللي ظهر إعلانك ليها.

الكلمات اللي مش مناسبة حطها كلها Negative Keyword فورًا.

الكلمات المناسبة زي “تصميم مواقع” مثلا، ضيفها في الـ Keywords بس خليها Phrase Match أو Exact Match.

السبب الثاني: مفيش Negative Keywords من الأول:

الـ Negative Keywords هي كلمات بتقول لـ Google “متظهرش إعلاني لو حد كتب الكلمة دي”.

مثال: مكتب محاماة متخصص في مجال الشركات والعقود التجارية، يبقى لازم تعمل قايمة بالكلمات السلبية زي “محامي طلاق” أو “محامي جنايات” وهكذا.

السبب الثالث: الـ Conversion Tracking مش شغّال صح:

ممكن الحملة تكون بتجيب نتايج بس انت مش شايفها.

لو الـ Conversion Tracking اللي بيتتبع الإجراءات المهمة على موقعك زي الاتصال أو ملء فورم أو الشراء مش متضبط صح، التقارير مش هتظهرلك الـ Conversions ومش هيكون عندك داتا كفاية تقدر تبني عليها قرارات تحسّن من الحملة.

الـ Smart Bidding اللي بيتعلم من الـ Conversions عشان يحسّن الأداء هيتعلم من بيانات ناقصة أو غلط، وهيبدأ يوزع الميزانية بشكل غلط.

حملة البحث مش بتفشل لأن إعلانات Google ضعيفة أو فاشلة، بتفشل لأن النظام اتعمل يشتغل بحرية ومحدش قيّده بـ Negative Keywords و Match Types صح و Conversions سليم.

#ماركتنج_بالعربي #DigitalMarketing #MuhammadWagih #GoogleAds