على Meta: الإعلان بيظهر لناس مختلفين بناءً على الـ Targeting.
الـ Audience واسع والإعلان ممكن يفضل شغّال لأن كل يوم فيه ناس جديدة لسة مشافتوش.
على TikTok: الـ Algorithm بيوصّل الإعلان لنفس الشرائح المهتمة بشكل مكثف وسريع.
الـ Pool بيتشبع أسرع والـ Frequency بتزيد في وقت أقل بكتير.
النتيجة: الإعلان اللي اتعمل النهاردة؛ ممكن يبدأ يتعب بعد أسبوع بس.
وبناء على الكلام ده Meta ممكن تشتغل بـ 2-3 إعلانات لمدة شهر.
لكن على TikTok لو معندكش Creative جديد كل أسبوع أو أسبوعين الحملة هتبدأ تنهار.
إزاي تتعامل مع الموضوع ده صح؟
1. فكّر في الـ Creative كمخزون مش كإعلان
زي ما عندك مخزون منتجات لازم يكون عندك مخزون Creative.
اعمل باتش من الفيديوهات مرة واحدة، 6 أو 8 مثلا وشغّلهم بالتدريج مش كلهم دفعة واحدة.
لازم يكون عندك أنواع مختلفة من الـ Creatives:
مشكلة وحلها، شهادة عميل، شرح منتج، فيديو تعليمي …
لكن لما بتكون كل الفيديوهات بنفس النمط الـ Algorithm بيكتشف التشابه وبيعامل الفيديوهات المتشابهة كفيديو واحد.
2. راقب الـ Video View Rate مش بس الـ CTR
الـ CTR نسبة الناس اللي ضغطوا على الإعلان بيتأثر بعوامل كتيرة.
الـ Video View Rate نسبة اللي كملوا الفيديو بيقولك بوضوح لو الـ Creative لسه شغّال أو بيشطّب.
لو النسبة بدأت تنزل بشكل مستمر يبقى ده وقت Creative جديد.
3. ركّز على الـ UGC “اختصار User Generated Content” وده محتوى بيتعمل على شكل تصوير عادي من ناس مش معروفة بتتكلم ومش بإنتاج احترافي.
على TikTok تحديدًا المحتوى الطبيعي بيأدي أحسن من المحتوى اللي معموله شغل مونتاج عالي في أغلب الأوقات.
لأن المنصة نفسها قايمة على المحتوى العفوي، والإعلان اللي شبه المحتوى الـ Organic بيخلي المشاهد ميحسش إنه بيشوف إعلان.
الخلاصة: لو معندكش وقت تعمل Creative جديد كل أسبوع يبقى TikTok Ads مش المنصة المناسبة ليك دلوقتي.
