كيف تتخلص من التعليقات المزعجة على صفحتك (مقال)

كلنا بنشتكي من التعليقات المزعجة أو الـ Spam خاصة لما بنكون عاملين إعلان ممول على صفحة فيسبوك

زي الناس اللي بتنشر روابط صفحاتها وجروباتها وفيديوهاتها

أو الناس اللي بتعلق تعليقات سخيفة زي مثلا “نصب” أو “كدابين” أو شتايم … إلخ

لو عايز التعليقات دي تختفي من البوست بتاعك ومحدش يشوفها بشكل تلقائي قبل ما تتدخل انت وتحذفها بنفسك هتعمل كالتالي:

ادخل على إعدادات الصفحة Settings

وبعدين General

وبعدين Page Moderation

وبعدين Edit

وهتكتب كل الكلمات اللي عايز لو حد كتب كلمة منها في التعليق بتاعه تعليقه كله يختفي أوتوماتيك

وهتزود عليهم الكلمات دي علشان تخفي أي لينك أو رابط

http, https, www, .com, .net

وبعدين كل شوية هتبص على الكومنتات على البوست بتاعك هتلاقي 3 نقط كده بين الكومنتات هتضغط عليهم هيفتحلك الكومنت المخفي تقدر تعمله حذف خالص أو تعمل ban لصاحبه علشان تضمن انه ميعلقش عندك تاني.

ومبروك عليك كده استريحت من معظم التعليقات المزعجة 😊