لو عملت إعلان وليكن بـ 10,000 جنيه، والإعلان ده جابلك 100 عميل، وسألتك: العميل ده واقف عليك بكام؟ هتقولي 100 جنيه (100 × 100 = 10,000) صح؟
لأ غلط!
لأن أكيد انت مصرفتش إعلانات بس علشان تجيب العميل ده.
في مصاريف تانية أكيد زي مرتب ديزاينر وفيديو إديتور وراتب أو نسبة الشخص اللي بيعملك الإعلان.
وحتى لو بتعمل كل ده بنفسك أكيد في أدوات بتدفعلها علشان تعمل الحاجات دي.

علشان كده في مصطلح اسمه CAC اختصار Customer Acquisition Cost وهو إجمالي التكلفة اللي دفعتها عشان تجيب عميل واحد جديد.
مش الإنفاق الإعلاني بس، لازم تحسب كل التكاليف المرتبطة بعملية اكتساب العميل ده.

معظم الناس بتحسب الـ CAC كده:

إنفاق إعلانات: 20,000 جنيه
عدد العملاء: 100 عميل
يبقى الـ CAC = 200 جنيه
وده غلط.

الحساب الصح:
إنفاق إعلانات: 20,000 جنيه
راتب أو فريلانس إدارة الحملات: X جنيه
تصميمات وفيديوهات: Y جنيه
أدوات واشتراكات: Z جنيه
لو افترضنا إن الـ X و Y و Z تكلفتهم 10,000 جنيه مثلا
يبقى إجمالي التكلفة 20,000 + 10,000 = 30,000 جنيه
عدد العملاء: 100 عميل
يبقى الـ CAC الحقيقي = 300 جنيه

الفرق بين 200 و 300 جنيه مش مجرد رقم، ده الفرق بين قرار تكمل في الحملة علشان بتكسب وقرار توقف وتراجع الاستراتيجية كلها.

لو الـ CAC بتاعك أعلى من الـ LTV، يبقى انت بتخسر من كل عميل بتجيبه.

المعادلة المظبوطة:
LTV ÷ CAC المفروض تكون 3 أو أكتر.
يعني كل جنيه بتصرفه عشان تجيب عميل المفروض يرجع 3 جنيه على الأقل طول علاقته بيك.

احسب الـ CAC الحقيقي بتاعك مش بس الإنفاق الإعلاني، لأن الرقم اللي هتلاقيه ممكن يغير طريقة تفكيرك في الحملة كلها.

#ماركتنج_بالعربي #DigitalMarketing #MuhammadWagih #CAC