ليه أول 3 ثواني من الفيديو أهمّ من باقي الفيديو كله؟
ميتا عندها مقياس اسمه
3-Second Video View Rate
معناه نسبة الناس اللي اتفرجوا على أول 3 ثواني من الفيديو من إجمالي الناس اللي شافوا الإعلان.
الـ Algorithm بيستخدم الرقم ده كـ Quality Signal مُبكّر.
لو النسبة دي منخفضة، الـ System بيفهم إن الإعلان مش جذاب ويبدأ يرفع تكلفة الـ Delivery.
لو النسبة عالية، بيكافئه بتوزيع “Distribution” أوسع وبتكلفة أقل كمان.
الـ Hook مش بس بيحدد مين هيكمّل المشاهدة؛ ده بيحدد كمان هتدفع كام على كل مشاهدة.
طيب إيه التفسير المنطقي للكلام ده؟
التفسير هو إن المستخدم وهو بيتفرج على الـ Reels هو مش جاي يتفرج على إعلان، هو في وضع Scroll تلقائي وصباعه جاهز للتقليب.
الحاجة اللي ممكن تخليه يقف على فيديو ميقلبش عليه هي أول كام ثانية في الفيديو.
يعني إما جملة غير متوقعة، أو سؤال بيلمسه، أو مشهد بيخليه يسأل “إيه اللي بيحصل؟”
وده اللي بنسميه الـ Hook.
أنواع الـ Hook اللي ممكن تجيب نتايج كويسة تجبره يكمل الفيديو:
1. الـ Contradiction Hook:
مثال: “أنا بطّلت أستخدم Detailed Targeting خالص، وحملاتي اتحسنت.”
بيكسر التوقعات، المخ بيوقّف عشان يفهم أكتر.
2. الـ Problem Hook:
مثال: “لو حملتك بتشتغل كويس وبعدين بتنهار فجأة، تعالى أقولك السبب”
بيلمس مشكلة حقيقية ممكن تكون حصلتك قبل كده، فهتبقى متحمس تعرف الحل.
3. الـ Stakes Hook:
مثال: “الغلطة دي بتكلف المعلنين آلافات كل شهر”
بيخلق خوف من الخسارة، وده أقوى مُحرّك للانتباه.
4. الـ Curiosity Hook:
مثال: “فيه رقم واحد في حسابك الإعلاني بيقولك كل حاجة وأغلب الناس بتتجاهله”
بيفتح سؤال بدون إجابة، المخ مش هيقدر يتجاهله.
الغلطة الأكتر شيوعًا في الـ Hook هي إن البداية تكون لوجو الشركة أو Intro أو “أهلاً بيكم في …”
ده كده إعلان إذاعي مش Hook!
اللي بيشوف اللوجو أو الإنترو أو المقدمات المملة أول حاجة دماغه بتترجمه فورًا كـ “إعلان” فبيهرب.
الفيديو اللي عنده Hook قوي وباقيه عادي، أفضل من فيديو مفيد فعلا ومصروف عليه بس بدايته ضعيفة.
لأن الفيديو اللي مش بيتشاف؛ مش بيأثر.
ركّز في أول 3 ثواني من الفيديو وابدأ بـ Hook قوي هتلاقي تغيير حقيقي في نسب مشاهدات فيديوهاتك.
