لو لسه بتعتمد على الـ Detailed Targeting في إعلانات Meta، لازم تقرأ البوست ده.
أطلقت Meta من فترة نظام اسمه Andromeda “هتلاقيه باسم Advantage+ Targeting في قسم الـ Ad Sets وانت بتعمل الإعلان”، وده مش تحديث عادي، ده إعادة بناء كاملة لطريقة عرض الإعلانات من الأساس.
إيه اللي اتغير بالظبط؟
قبل Andromeda، الـ Algorithm كان بيسأل: “مين المفروض يشوف الإعلان ده؟”
دلوقتي بقى بيسأل: “إيه الإعلان اللي المفروض الشخص ده يشوفه؟”
النظام الجديد بيفحص ملايين الإعلانات في ثوانٍ ويختار الـ Creative الأنسب لكل شخص بناءً على سلوكه الفعلي، مش بناءً على الـ Interests اللي انت اخترتها.
بمعنى تاني: الـ Creative بقى هو الـ Targeting الجديد.
لو بتدي الـ Algorithm إعلان واحد أو اتنين، هو مش هيلاقي مادة يتعلم منها.
الـ System محتاج Creative متنوع حقيقي: زوايا مختلفة، رسائل مختلفة، Formats مختلفة، عشان يعرف يعمل Matching لكل إعلان مع الشخص الصح.
والتنوع المقصود مش إنك تغير لون الخلفية أو تعدل كلمة في الـ Headline.
نظام Andromeda بيكتشف التشابه البصري، وبيعامل الإعلانات المتشابهة كإعلان واحد.
إيه اللي لازم تغيره دلوقتي؟
* وسّع الـ Audience: الـ Detailed Targeting التفصيلي مبقاش زي الأول، وتدريجيا هيختفي خالص، وده هتتأكد منه لما تلاقي Interests كتير جدا كنت بتستخدمها زمان دلوقتي مبقتش موجودة.
* نوّع الـ Creative: كل حملة محتاج فيها زوايا مختلفة:
مشكلة وحل، شهادة عميل Testimonial، عرض منتج أو خدمة، بوست تثقيفي أو تعليمي Inbound Marketing … إلخ، مش نفس الإعلان بألوان أو Text مختلف.
* جدّد الـ Creative كل 2-4 أسابيع، الـ Ad Fatigue بقى أسرع مع Andromeda، الإعلان اللي شغّال حلو النهاردة؛ ممكن يبدأ ينهار بعد أسبوعين أو شهر.
* اتأكد إن الـ Pixel والـ Conversions API شغالين صح، الـ System بيتعلم من الـ Signals، ولو الـ Signals ناقصة أو غلط قراراته هتبقى غلط.
الخلاصة: Andromeda مش بيلغي دورك كمعلن، ده بيحوّله من حد بيتحكم في الـ Targeting يدويًا، لحد بيبني Creative Strategy تخلي الـ Algorithm يشتغل بكفاءة.
بس خلّي بالك:
امتى الـ Broad Targeting من غير تحديد Interests يكون الاختيار الصح؟
لما يكون عندك بيانات كافية على الأكونت الإعلاني، يعني الـ Pixel جاب Conversions حقيقية كويسة يقدر يتعلّم منها.
لما الـ Detailed Targeting يكون بيديك Audience Size صغير جداً، الـ Algorithm مش هيلاقي مساحة يتحرك فيها.
لما تكون بتشتغل على Conversion Campaign مش Awareness، الـ Algorithm هيتعلم من الـ Converters ويدوّر على شبيههم تلقائيًا.
امتى Detailed Targeting يكون هو الأفضل؟
لو حسابك جديد ومعندوش أو عنده Pixel بدون بيانات كافية، الـ Broad هيبقى عشوائي فعلاً لأن مفيش داتا يتعلّم منها.
في الحالة دي الاستهداف التفصيلي بيديك نقطة بداية معقولة لحد ما الحساب يتعلم.
جرّبت الـ Advantage+ Targeting من غير ما تحدد Interests قبل كده وفرق معاك؟
ولا لسة بتفضل الوضع القديم ومش واثق في الـ Algorithm لحد دلوقتي؟
